قصة مديره ذكيه

تدور القصة حول مديرة مدرسة عزباء غابت عن المدرسة يومين ولما رجعت لمدرستها سألوها المدرسات سلامات وينك يامديرة ؟

قالت لهم باركولي تزوجت.

قالوا مبروك يامديرة ولكن منهو زوجك ؟.

قالت بصراحة زوجي هو زوج واحدة منكم ..

المدرسات تكفين علميننا أي وحدة منا ؟

قالت المديرة والله ما أعلمكم .

المهم لزمو عليها فقالت لهم أنا منيب متكلمة اللي تبي تعرف هل هو زوجها وإلا لا تجيب بكرا معها خمسمية ريال وإذا جت توقع تحط الخمسمية على الطاوله واللي آخذ خمسميتها تتطمن مهو زوجها واللي أخلي خمسميتها على الطاولة ولا آخذها فهو زوجها عيب علي اتزوج زوجها وآخذ بعد منها خمسمية ريال .

وافقوا المدرسات على الطريقة.

وجاء بكرا وكل وحدة مجهزه معها الدراهم.

جت الأوله والثانية والثالثة والرابعة حتى العاشرة والمديرة تاخذ الدراهم .
يوم جت المدرسة ال 11 وبدت المديره تأفف المهم حطت الدراهم على الطاولة وقالت لها تكفين خذيها يالمديرة قالت المديرة اعذريني قالت المدرسة كانها قليلة حطيت ألف بدال الخمسمية قالت المديرة أووووووووووووه معليش أثرك أنتي جواهر والله اني آسفه غلطت يوم تنفست.. المدرسة قالت الحمد لله يعني بتاخذين الفلوس المهم اخذتها المديرة .

ودخلوا بقية المدرسات حتى ال 23 والمديرة تلعب بأعصاب كل وحده وفي النهاية تاخذ الخمسمية..

المهم بقي مدرسة وحدة فقط ماجت يوم اتصلوا عليها المدرسات هاه وينك يا استاذه قالت والله اني تعبانه وماني جايه لكن المهم من صار زوجها اللي متزوج المديرة ؟

قالوا لين اللحين مابين شي والمديرة عيت تاخذ الفلوس لين نحضر كل المدرسات ( وهم يلعبوا عليها بس يبونها تجي عشان يتطمنون لأنه مابقى إلا هي ) وقالت المدرسات لازم تجين تكفين

المهم جت تسحب رجليها بالقوة ويوم جت تدخل المدرسات كل وحده مبسوطة انها مهي هي وبدأو يسمون على المدرسة ال 24 عشان ماتنصدم .

دخلت المدرسة الأخيرة غرفة المديرة وحطوا باقي المدرسات ايديهم على قلوبهم وحطت المدرسة الخمسمية على الطاولة وضفتها المديرة

يوم طلعت شافوها عايدية وماصار شي وفلوسها أخذتها المديرة .

قالوا يابنات فيه وحده منكم ماخذت المديرة دراهمها ؟

قالوا لا والله كلنا اخذت دراهمنا

ودخلوا المدرسات على المديرة وقالوا اخذتي الفلوس من كل المدرسات تلعبين علينا منهو زوجك ؟

قالت المديرة المهم الدراهم ( 12000 ريال ) ماراح ترجع وأنا والله لا تزوجت ولا شي لين اللحين عزوبية وكل الموضوع إني كنت مريضة هاليومين . ولكن طلبنكم قبل شهر تدفعوا على مية ريال نصلح المصلى ولا وحدة منكم دفعت قلت والله لأدفعكم 500 ريال نصلح المصلى ونشتري مصاحف وقف للمسجد .

قالوا المدرسات بردها الله بالعافيه فداك الدراهم ولو تبين زود عطيناك هو صدق بس رجالنا ماتزوجوا علينا..!!!!